"بلد المقشات "للكاتبه المصرية فاطمه التومه
"بلد المقشات "للكاتبه المصرية فاطمه التومه

“بلد المقشات “”من سلسله حوده الحلاق” للكاتبه المصرية فاطمه التومه

قلم – فاطمه التومه 

مواطن…صرفت مقشتك

مواطن اخر…ايوه مقشه صينى معتبره

مواطن…مقشتك صينى وانا مقشتى مصرى

اشمعنه

مواطن اخر…غمزته فبدل المقشه من مصرى لصينى

مواطن…بوذه

مواطن اخر….ههههه هو فى احلى من البوذه اجرى  غيرها واغمزه كويس لاحسن الصينى قرب يخلص من المخازن الحكومى

مواطن…ليه كده خساره  هو فى احسن من صنع فى الصين

مواطن اخر…الحكومه قررت تبنى عشر مصانع كبرى للمقشات

بيقولوا كمان١٠٠الف عوطلى ها يشتغل فى المقشات

مواطن…ما شاء الله ايوه كده الايد البطاله ناعمه

مواطن اخر…غير النظافه البلد ها تنضف من جوه وبره

مواطن…يا سلام

مواطن اخر….غير الايمان

مواطن….ازاى

هاالمقشه ها تخالى الشعب يصلى

مواطن اخر…هى النظافه من الايمان والمقشه ها تنضف

مواطن…يا واد يا مؤمن

خبر عاجل

اللى مقشته ها تنكسر هايدفع غرامه كبيره

اجرى غيرها قبل ما مقشتك تنكسر

عدى اسبوع ومقشات البلد زى الفل

وفى الاسبوع التانى دارت خناقه بين عوض وعوضيه كسر عليها المقشه الصينى

صرخت عوضيه من الحصره المقشه انكسرت عليه العوض

اهل البلد خافوا على المقشات

ما المقشه نظافه وايمان وعمل وغرامه

قام كل فرد من اسره بورديه لحارسه المقشه

وذلك حفاظا عليها

ومن خوفهم على المقشه بطلوا يكنسوا البيوت والشوارع

ويضربوا الستات

واللى عمل دفتر توفير واللى عمل تامين  واللى كسر قله وعملها حصاله

بس على مين شهر واحد وكل مقشات البلد اتكسرت ازاى اسئلوا

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>