الحلقة الثانية كاركاتير "حوده الحلاق  حلاق الملك سابقا والعهد الجديد"
الحلقة الثانية كاركاتير "حوده الحلاق حلاق الملك سابقا والعهد الجديد"

الحلقة الثانية كاركاتير “حوده الحلاق حلاق الملك سابقا والعهد الجديد”

قلم – فاطمه التومه

ريشه – نجوى الباجورى

مواطن…ايه اليافطه دى يا عم حوده اخر حلاوه

حوده….هو انا اى حد يا مواطن

مواطن…هو انت بجد حلقت للملك

حوده….طبعا حلقت له مره واتنين

مواطن …ازاى

حوده….انت مش مصدقنى

مواطن….ازاى يعنى طبعا مصدقك بس عايز اعرف

حوده…هو جلالته مش كان عنده ابعديه هنا

مواطن…بعيد عن السامعين راحت  مع الثوره

حوده…تعيش الثوره ويعيش الملك

كان يطلبنى احلقله

مواطن….وحلاق جلالته

حوده …موجود بس تغير امواس وانفاس

مواطن…بقولوا ان الملك كان يتعشى كل يوم بخروف

حوده….شوفته بعينى وهو بياكل الخروف

وشه احمر زى النار

مواطن…صحه

ويظهر مواطن اخر

مواطن اخر… انت عايز البلد كلها تروح فى داهيه

الحيطان لها عين وودن غير اليافطه انت مش عارف ان الثوره تجب ما قبلها وان الحزب الاشتراكى لو عرف

يا نهار ابوك مسخم

حوده…بجد احرق اليافطه يا ولاه

اكتب يا ولاه

حوده حلاق الثوره والعهد الجديد

 

ومرت سنين واتغيرت اليافطه

حوده حلاق الثوره والانفتاح والحريه

مواطن…ايه اليافطه دى

حوده…بمناسبه العهد الجديد عهد الحريه

 

 

مواطن …الحريه طايحه فى البلد بس ربنا يحب عبد التواب

تب عن اللى فات

حوده الحلاق….غير اليافطه ياو لاه

اكتب حوده حلاق الانفتاح

وبعد شويه سنين غير حوده اليافطه ياحيره حوداكتب ياولا ه

حوده حلاق الانفتاح والتغير الدمقراطى

وحود مش بتعلم  ابدا لازم مواطن يجى يقوله غير اليافطه

وفضل حوده يغير  اليافطه

حوده ثوره شعب ٢٥يناير

حوده واعاده النظر فى الثوره

حوده وشعب الثوره٣٠يونيو

حوده٢٥..٣٠

وفضل حوده يغير يغير

يغير

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>