كاركاتير"ايام وبنعشها " الحلقة التاسعه  طمطم الرقيقه
كاركاتير"ايام وبنعشها " الحلقة التاسعه طمطم الرقيقه

الحلقة التاسعه من كاركاتير “ايام وبنعشها “

قلم – فاطمه التومه
ريشه- نجوى الباجورى
اطفال كفر زلعه مختلفين طفوله منفتحه ولا التربيه الولد قبل البنت ولا الذوق اقول ايه ولا ايه ربنا يسامحنى لازم نجامل لاحسن الكفر يجعلنى فى قائمه الممنوعين والمنبوذين
استغفر الله استغفر الله
احكى الحكايه وبعدها نكمل استغفار
تم تحويل طفلين تؤام الى مدرستنا العريقه بنت رقيقه وولد زى القمر والصنف داه من الاطفال كان جديد على الكفر
تصدقوا ان البنوته تدق الباب بظهر ايدها حصه كامله ومفيش حد سامع لا الاستاذ ولا التلاميذ لحد ما ايدها الصوغير ه ورمت
رقيقه
اول تلميذه تعزم على التلاميذ بسندوتيش وكالعاده التلاميذ قالت شكرا واكلوا السندوتيش وسندوتيش ورا سندويش بطلت تجيب السندوتيش
ومن الذوق كانت تقول لا خواتها التلاميذ لو سمحتى يا اختى ترد اختها التلميذه….هو انا اختك
وكلمه تبطل كلمه فى قاموس البنت الرقيقه لحد ما خلصت الكلمات لا سندويتش ولا كلمات
والبنت الرقيقه اتصاحبت على بنت الجيران والزميله فى الصف الدراسى
وفى يوم قالت البنت الرقيقه تعرفى يا سحر انك ها تاخدى علقتين النهارده واحده من طنط واحده من الاستاذ فى الدرس سحر…بجد يا طمطم طمطم…اه سحر…مين اللى قالك طمطم….ما تعرفيش انى اشوف فى عينك وايدك كل اللى يحصلك
وانضربت سحر علقتين ومن فرحتها بالضرب قالت لكل التلاميذ
وعيال تقول كدابه وعيال تقول اشتغاله
وعيال تقول كل دا من طمطم وعيال تطنش وعيال تجرب
واللى جرب من العيال رجع يجرب تانى وجايب عيال واستاذ واستاذه
وكانت ابله توحا اول المعارضين
وقررت توقف المهزله فى المدرسه اللى اتحولت كلها على فصل طمطم
وكالعاده كنت ضمن الوفد الرفيع المستوى اللى راح يوقف المهزله
بس ابله توحا اقتنعت واقنعتنا ان البنت دى مبروكه
ومدت ابله توحا ايدها المبروكه لطمطم وانا بعدها
وبالفعل روحت طبخت للعيال سمك بعد ما قالت ليا طمطم يا ابله حضرتك ها تاكلى سمك
اشتريت السمك وكان وحش اوى زى ما قالت
طمطم الرقيقه تعبت من الوفود والزائرين من تلاميذ ومدرسين
وقررت تعترف لسحر انها لا تعرف كف ولا عينين وانما هى كانت تاخد بالها من تفكير كل واحد الشاطر تقوله انت شاطر والخايب تقوله انك خايب
والباقى صدفه على معلومه على كذبه
والامتحانات بدءت والتلاميذ اتلبخطت مش فى المذاكره لاء فى معرفه النتيجه يا طمطم انا ها انجح يا طمطم امتحان العربى ورفضت طمطم الكلام
وبطلت تروح المدرسه ياحرام كانت بتهوى على نفسيتها من البيت اما بتذاكر او تساعد ماما او شايله اخوه الصوغير انما المدرسه لعب وضحك ونميمه كل البنات فى مدارس كفر الزلعه تتعلم النميمه من القدوه المدرسين الذكور قبل الاناث
وفى اخر يوم امتحانات سحر كانت سعيده لان طمطم ساعدتها فى كل امتحان من السؤال الاول لحد السؤال الاخير لازم هما اخوات وجيران وبعدين مش حرام الابله المراقبه كانت تقول ساعدو بعضكم ربنا يسترها عليكم وعلى عيالنا
مع ان قناعه طمطم ان الغش حرام بس الكثره تغلب الشجاعه
وسحر كانت مبسوطه وفاكره الجميل لذلك كان فيه سر
ايه هو يا اهل الكفر
السر…ان سحر ما نضربتش علقتين زى ما طمطم قالت انما دا كان اتفاق مع البنوتات اللى حبت تشتغل طمطم وتضحك وتلعب
وكانةفيه هدف سامى فى اللعب الا وهو اخو طمطم الرقيقه الولد الوسيم
واتصدمت طمطم لمده دقيقه وسئلت طب والمدرسين قالت سحر ما اعرفش وضحكت طمطم هى وسحر طول الطريق
وزعلت انا انيسه لما عرفت الحقيقه البنت طمطم كانت تلهمنى ها اطبخ ايه ياطمطم سمك يا ابله
استغفروا معايا استغفر الله استغفر الله

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>