163

الحلقة السادسة من كاركاتير ” ايام وبنعشها “

ايام وبنعشها ايامى انيسه المستعجله الحلقه السادسه من اقوالى انيسه اوعى تخالف نظام لاحسن فيها تكسير عظام نحن نمارس الدمقراطيه بس بنظام

فى طابور الصباح ابله انيسه…انت يا شاطره فين اشربك البنوته….مش عارفه ترد بس فيه بنت لمضه قالت..دى جديده يا ابله ابله انيسه…طب سماح يا حلوه بكره ان شاء الله الاشرب هنا فيه نظام على الفصل بنت عطست اتشى كل المدرسه ردت…اتشى اتشى اتشى
ابله انيسه …اتشى اليوم التانى فين الاشرب البنوته…مش بترد ابله انيسه…شوفى حبيبتى هنا نظام ابله الناظره لا يمكن تخالف النظام
وبصوت عالى فخور قالت انيسه….من سبعين سنه ومدرسه كفر زلعه العسل على النظام وعلى العهد
على الفصول بنت يا بنت عزيزه بنت عزيزه…نعم يا ابله قولى لامك الجبنه القريش والبيض البلدى فين بنت عزيزه..حاضر يا ابله
ابله انيسه…ابقى خاليها تحط الجبنه فى كيس ابيض ومن فوقه كيس اسود بنت عزيزه…حاضر يا ابله
ابله انيسه…وشك مش مغسول بنت عزيزه…لا والله يا ابله مغسول ابله انيسه…اشربك مش نضيف بنت عزيزه….مغسول يا ابله ابله انيسه…ايه اللى فى ايدك طعميه بنت عزيزه…طعميه ولب يا ابله ابله انيسه…كلى اللب فى الفصحه بنت عزيزه…حاضر ابله انيسه …على الفصل بنت عزيزه….حاضر
واخدت ابله انيسه نص اللب والنص التانى اخدته مدرسه الحصه حرصا على نظافه المدرسه
اليوم الثالث
فين الاشرب ردت البنوت…ماما ماما ابله انيسه…ردى يا بنتى البنوته…ماما ماما ردت البنت اللمضه…اصلها يا بله وعلى ودن ابله انيسه انقضت وقالت بصوت خافت….مسيحيه
وفى عجب بان على وش ابله انيسه قالت…اسمك ايه يا حلوه قالت البنوته….ماريا
ابله انيسه ….على ابله الناظره ابله الناظره…
البنات تلبس الاشرب الابيض والبنين الكوتشى الابيض مافيش احسن من كدا مساوه ونظام بصى على زملائك والبنوته بتبص. …ولا كوتشى ابيض اما اسود غامق او رمادى غامق يظهر الكوتشى بقه فعل ماضى مش عاجبه يبقى مضارع اما البنات فعلا الاشرب ابيض فيه التزام واضح وعين البنوته شافت وعلى الفصل راحت
ولان ابله انيسه ودوده عرفت من البنوته انها ابوها شغال فى الدهب فعرضت كل خدماتها درس فى كل المواد بسعر خاص جدا عشان خاطر عيون ماريا
وبضمان ابله انيسه لان المدرس الشامل الكامل عندها انجليزى عربى حساب بتاع كله
والحق يقال انه استاذ يمارس المهنه من قديم بعد ما يخرج من وزاره الزراعه يمارس هوايته ويعطى دروس فى بعض البيوت استاذ الجيل المهندس الزراعى
عبد السميع زوج ابله انيسه
اليوم الرابع البنوته وماماتها ست بسيطه فى ملبسها عبايه سوده طويله واشرب بسيط
ابله انيسه بتدور على الدهب مفيش حتى حلق يا ساتر على البخل
ابله الناظره…فين الاشرب يا ام ماريا ام ماريا…طلعى الاشرب من الشنطه
ولبست البنوته الاشرب فى حضرت ابله الناظره وعلى الفصل راحت
وابله انيسه ست ودوده كا ن على لسانها شويه كلام
وكلام جر كلام عرفت ابله انيسه والمدرسه كلها ان والد ماريا شغال فى محل دهب
وان استاجر شقه فى القريه لغلاء الايجار فى المدينه
وان العيشه ماشيه بس بنظام
بهدوء

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>