157

الحلقة الرابعه من كاركاتير “ايام وبنعشها ” رغى ستات

قلم – فاطمه التومه
ريشه – نجوى الباجورى 
فى جلسه مفتوحه فى الصاله المغطاه بمدرسه الفاروق كفر زلعه العسل اجتمعت هوانم المدرسه فى لقاء ودى بناء على شكوى اختنا الاستاذه يسريه خانوا قال ايه جوزها عينه زيغه ايه الجديد قالت ….يسريه خانوا كان قطه
ابله الناظره توحا خانوا…يا منه بالرجال يا منه للميه فى الغربال ملكه جمال الكفر عايده خانوا….صوابعك مش شكل بعضها ردت سيده اعمال الكفر عزه خانوا…طوا ماانت معاك قرش جوزك منك يكش
وبزغره من نعال خانوا اقصد نهال خانوا نصيره الجنس الضعيف (الرجاله) اصلها لسه ما دخلتش دنيا
قالت…لازم نحلل القضيه ومن بعيد الست ام ابراهيم مسئوله النظافه فى المدرسه والكنتين
جايه ومعاه الكنز والبسكويت المدرسى المقرمش الله يعمر بيت الوزاره طورت البسكويت اصبح اكثر قرمشه
قالت…كبرى كرشه وقصصى جيبه
صاحبه المشكله يسريه خانوا…تصدقوا انه بياكل بيتزا وكل ما اقوله هات بيتزا للعيال يطنش
ابله الناظره توحا خانوا….عرفتى منين انه بياكل بيتزا صاحبه المشكله…حد شاف وقالى انيسه….لا ء كده الموضوع دخل فى الغامق دى اكيد بتصرف عليه
صاحبه المشكله…لاء جوزى لا يمكن ست تصرف عليه
نعال نصيره الجنس الضعيف…امال مرتبك بيروح فين صاحبه المشكله…كل شهر اسلمه له مش هو الراجل
ام ابراهيم …حوشى جزء لكى صاحبه المشكله …بعد ايه كان من الاول المهم يا رتها موزه شبه المقشه لا مواخذه عودها زيك يا نعال
مش ملفوفه زى كده وشبه البطه
نعال خانوا…هوانت شبه البطه انت ملفوفه اه شبه الكرنب لفه فوقها لفه وبعصبيه قالت صاحبه المشكله…انت بتقولى ايه يا مقشه
ويستمر الحوار بس بصوت عالى شويه تقدروا تقولوا خناقه بين نعال المقشه ويسريه الكرنبه
وتقلب القضيه والتحليل لخناقه بس ام ابراهيم الله يعمر بيتها دوقتنى طرشى زيتون وليمون من صنع ايدها حاجه كده ولا فى المحلات
والحمد لله انتهت المشكله بتاع الطمام نادى فى ميكرفونه حمرا وجامده يا طماطم طلعنا نجرى عل الطماطم حمرا وجامده يا طماطم

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>