الحلقه الثالثه من كاركاتير  "ايام وبنعشها
الحلقه الثالثه من كاركاتير "ايام وبنعشها

الحلقة الثالثه من كاركاتير “ايام وبنعشها “

ريشه – نجوى الباجورى 
قلم - فاطمه التومه 
انيسه…١٢ رنه تلفون ٣٠ رساله
خير يارتيبه
رتيبه…عايزه اطلق
انيسه…اتهبلتى
رتيبه…راجل مفترى
انيسه…امين
رتيبه….امين
انيسه…صونى النعمه يا رتيبه
رتيبه…امين نعمه
انيسه…ربنا يحفظها من الزوال
امين زوج مصرى وشه فى كل بيت حسب النصيب بكرش واصلع نحيف وبنضاره انت وبختك ولا يمكن بختك يكون شبه كريم عبد العزيز ولا حتى اشرف عبد الباقى
بس امين زوج خارج كل حدوته مصريه لا يشرب سجاره ولا قهوه شاى يوم السمك على فكره سمك زلعه العسل سمك تاكله من هنا وتشرب الشاى لتخلص من السموم من بحيرتنا ومزارعنا مصرى حاصل على الايزو
امال ضربها وشتم اهلها عادى الراجل اللى ما يشتم اهل مراته تشك فى وطنيته واخلاصه ليه قوللى ليه بيفرغ طاقته فى الشتيمه يشتم ولا تفضل طاقته مكبو ته
وما احب على الزوجه المصريه من الشتيمه تزيد القيمه يا شاطره يا لا ايمه دى حكمتى عن اللى مستحمله بس ذكاء اه والله ذكاء اما العنيده بعيد عن بناتنا تعيسه ومنحوسه وامها مش راضيه عنها
وبردو امين عمره ما شتم رتيبه ولا حط المرتب فى جيبه اخر مره جاب المرتب وحطه على البوتاجاز انيسه…المرتب ولع رتيبه…لاء انيسه… امال ايه رتيبه…نام امين نام ست شهور نايم انيسه….عيان رتيبه…نبتدى منين الحكايه
امين يجى من الشغل ياكل وينام يقوم يشرب وينام وعلى دا الحال موال حتى نشره تسعه قبل النشره الرياضيه كان نام
من عشرين سنه ايام ما كانت رتيبه كل اهتمامها امين وفضلت تهتم لحد ما خلص شهر العسل وبعدها قصت شعرها اللى عمره ما كان طويل وتهتم بهوايتها المفضله الطبخ
احسن واحده تعمل خلطه محشى فنانه فى عمل الكنافه وامين ياكل ويمدح وبعد سنين مدح مل نزل القهوه طلب شاى والشاى جر قهوه وحوار جر حوار قابل صاحب السوء
حب يعلمه هوايه متعارف عليه عند كل عربى طبعا عارفين بس وغز الضمير شده من ودنه فرجع البيت لاقى رتيبه تقشر بصل شاركها فى تقشيره سنين وسنين ويقشر ويكشر
وفى سن٣٨ امين قال لرتيبه وهى فى ٣٤ تجى نجدد حياتنا قالت رتيبه…نشترى بوتاجاز خمس عيون وفريز وجدد امين البوتاجاز ورتيبه شعرها طول شويه بس كان شاب كتير منه ماهى فى٤٥سنه حبت تهتم بانوثتها وتعمل اللى عليها عشان امين قررت تصبغ شعرها باوكسجين وجات فرحانه امين يا امين قال خير يا رتيبه رتيبه…اتعكست النهارده قالى يا بيضه يا ام شعر اصفر ومن غير ما يرد دخل على السرير ونام ومن يومها امين نايم

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>