من ديوان لا تاته النداهه ... للكاتبة المصرية " فاطمه التومه"
من ديوان لا تاته النداهه ... للكاتبة المصرية " فاطمه التومه"

من ديوان ” لا تاته النداهه”…. للكاتبة المصرية \ فاطمه التومه

فاطنه يا فاطنه الشمس قادحه
قومى شقى على الكتكت والبطه الراقده
ولعى ع الشاى رطبى رغفين
يا أمه
انام ساعه أو اتنين
ما يغمض جفن العين
النداهه كانت تنادم على تقلد أتنين
كان صوتك فى الاوله
والجده تقول مدد يا حسين

والجن كان يسامر شتحه
اللى عامل مجنون
ويعضوا فى العيش عض
ويرموا ورق الخس

يابت … العيش بحاله حط ايدى حط
والخس اتشال واتحط بورقه حط
يا حزينه

فى الليل اكله كتير
نايمه ع سرير
ما اتقلبت ولا شوفتى حزين
دا كابوس وزن الناموس
وانت البعيده تجيله زى الحديده

وبينك وبين الشاطره عزوله
يكونش عمل معمولك بالخبل

قومى يا بعيده طوقى الدار
النداهه ما تنادم الا على الشطار
طب ومقام سيدى الزنان
كانوا يحكوا حكاوى جميله
وكان بينهم جنيه تخينه
قالت يا شحته يا ابو العيال

عنده عيال كتيره

وقصر فيه نجيله

وخدم وحشم كتيره

شحته عنده عيله ؟
منك عجايب قلبى منك شايب

واللى …
يا أمه رأسى تجيله

فينك ياحديده قومى يا حزينه

لانفضك بالمقشه واحبسك فى الزريبه

مع الحمار ياحماره الدار

قومى يابت النهار قصير

والانفار كتير يجى اخوك
ولا ابوك يبقى نهارنا ثقيل
فين الشاى فين الفطار الانفار
يا ناس اللى فى الدار

واللى يا أمه راسى تقيله

نادى على مرات الخال

نادى على الجيران
راسى تقيله
وى يا حزينه
وى على الدار
وطبخ الانفار
وى وى منك يا نهار

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>