الكاتبة والأديبة سالمة المغربي
الكاتبة والأديبة سالمة المغربي

فضفضة واحدة ست”عريس من الفيس ” ….. للكاتبة والاديبة \ سالمة المغربى

جاني عريس من الفيس. إنما إيه!
عريس جنتل خالص .. سألته :
_ أنت تعرفني يا أستاذ .. عباس؟
_ يكفي إنك الست .. زيزي .. كتاباتك رسول محبة بينك و بين معجبينك.

بصراحة .. لقتها فرصة.. و وافقت من غير ما نشوف بعض.. و استعجلت كمان الدخلة.. و رحنا نقضي الأسبوع الأول من شهر العسل ف فندق
ليلة الدخلة .. كانت ليلة.
قعدت قدام التسريحة أفك الطرحة.. و الدبابيس.. و البنس مسكت ف شعري و حلفت ما تسيبه.. ساعة و أنا بفكها(محدش يسألني عن النبي حارسه دلوقتي).. اضطريت أقص بالمقص حبة شعر كانوا رافضين يفكوا… يا مصبتي… دول نص فروتي!
ما علينا .. قلت أروح الحمام أدور على علبة و لا ماج أحط فيه تركيبة السنان الفوقانية.. الدكتور نصحني بأنه يلزقها .. بس رفضت بسبب السكر إللي بينشف ريقي و أنا نايمة تقوم (الضبة) قرصاني.
لقيته بسلامته قافل ع روحه الحمام … قلت ما علينا.
أحاول أفتح السوستة بتاعة الفستان من ورا… مش عارفة .. أنط لفوق. أنزل لتحت.. و الست سوسته معاندة.
قلت مفيش غير عريسي .. اضطريت اخبط عليه باب الحمام.. و ناديت بصوت خفيف:
_ إفتح الباب يا عريشي. أنا مشتنياك من بدري.. وعايشاك تشاعدني في فتح الشوشتة .. بتاعة الفشتان.
سمعت صوت غريب بيرد عليا و بيقولي:
_ أنا طلبت من عمال الخدمة .. محدش يشعجني و أنا عريش جديد… لو شمحت يااللي ع الباب .. أمشي دلوقتي .. الحمام نضيف و مش محتاكينك

الصوت مش عاجبني. قلت أكيد بيفرش سنانه
خبطت تاني
_إفتح يا قلبي. أنا عروشتك شيشي
و سمعت شهقة عالية .. و(هششششششش)يعني هسسسسسس
يا لهوي .. العريس مات ولا إيه؟!
و ناديت على بتوع الخدمة الفندقية.. و خبطوا الباب و اضطروا لإستخدام مفتاح إحتياطي
و عينكم ما تشوف إلا النور… البيه واقع جوا البانيو و في إيده جرار السوستة إللي اتخلع منه .. و أتاريه ده كله بيفك السوستة.. قمت حضنته يا قلب أمه و سميت عليه.. لقيته بيقولي.:
الحمد لله جات شليمة يا عروشتي يا قمري .. شكلنا اتحشدنا.. يلا نولع خمش شمعات ف عين الحشاد.
بصيت ف بقه. لاقيته من غير سنان خالص و حاطط الطقم بتاعه في ماج كبير ع الحوض
و أل إيه.. بيبصلي و يستغربني .. فرك عنيه و بيسألني:
_ أنتي مين يا شابة؟!
فشتان أبيض .. تبقي أنتي شيشي عروشتي.. يا ليلة شودة!

بسرعة.. مشيت الناس و قعدت قدامه و سألته:
_ مالك يا حبي.. بذمتك مش مفاجأة؟!
قالي :
_ فين شيشي إللي بروفايلها شي الممشلات بتوع الشيما .. دي كانت قمر القمرات.

خدتني العزة و قمت موقفاه ع حيله و سألته:
_ أمال فين جون ترافولتا إللي خطبني و شمم أنه يتكوزني؟!
كنت بتخدعني يا شي عباش؟!

و عيطت .. و مسكت مرايتي و سألتها :
_ شحيح شعري قشير و أكرت شي شلك الألمنيوم إللي بيغشلوا بيه المواعين … قشيرة لحد ركبته.. و نشري ضعيف.. و شناني مخلعة.. و عندي الشكر و الضغط .. و ركبي مخلعة .. ..بش برضه عروشة كويشة.. بعرف أكتب كلاااااام شي العشل.
هو شعلاااان لييييييه؟!
هو أنا وحشة ولا إيه؟!
عجيبة و الله.. أدي إللي بناخده من الفيش و شنينه… يشتاهل .. هو أللي خدعني الأول.!!

عن misr

اضف رد

لن يتم نشر البريد الإلكتروني . الحقول المطلوبة مشار لها بـ *

*

يمكنك استخدام أكواد HTML والخصائص التالية: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>